ເງິນຝາກປະຈໍາ

15:32|30-04-2021

ເປັນບັນຊີທີ່ໃຊ້ໃນການຝາກເງິນ ທີ່ຕ້ອງການຊໍາລະຄືນໃນໄລຍະເວລາທີ່ແນ່ນອນ ຕາມທີ່ໄດ້ຕົກລົງກັນໄວ້, ເໝາະສໍາລັບທຸກທ່ານ ທີ່ມີເງິນເປັນກ້ອນແຕ່ຍັງບໍ່ທັນຕ້ອງການນໍາໃຊ້. ທ່ານຈະໄດ້ຮັບດອກເບ້ຍສູງກວ່າດອກເບ້ຍປົກກະຕິຕາມກໍານົດເວລາຂອງການຝາກ ເຊັ່ນ: ກໍານົດ 3ເດືອນ, 6ເດືອນ, 1ປີ ແລະ 2ປີ.

  • ຜູ້ຝາກຈະໄດ້ຮັບດອກເບ້ຍທີ່ສູງກວ່າການຝາກໃນແບບອື່ນ.
  • ຜູ້ຝາກສາມາດຮັບດອກເບ້ຍໃນແຕ່ລະເດືອນໄດ້. (ກໍລະນີຝາກ 1ປີ ແລະ 2ປີ).
  • ເງິນຝາກທີ່ຝາກກາຍ 3ເດືອນຂຶ້ນໄປ, ຖ້າຖອນກ່ອນກໍານົດແມ່ນຈະໄດ້ຮັບດອກເບ້ຍໂດຍຄິດໄລ່ຕາມອັດຕາເງິນຝາກແບບປະຢັດ.
  • ກໍລະນີເງິນຝາກປະຈໍາຄົບກໍານົດໃນມື້ພັກລັດຖະການ ຜູ້ຝາກສາມາດຖອນໄດ້ໃນມື້ຖັດໄປ. ເຊິ່ງ ທພລ ຈະຄິດໄລ່ອັດຕາດອກເບ້ຍ ໃຫ້ຜູ້ຝາກລວມມື້ພັກການອີກດ້ວຍ.
  • ກໍລະນີຝາກຮອດກໍານົດລູກຄ້າບໍ່ມາຖອນ, ສ່ວນທີ່ເກີນຖ້າໄລຍະເກີນເທົ່າກັບກໍານົດຝາກຄັ້ງທໍາອິດຈະຄິດໄລ່ດອກເບ້ຍມີກໍານົດ (ຄູນ 2ຫຼື...), ຖ້າສ່ວນທີ່ກາຍນັ້ນບໍ່ເທົ່າກັບກໍານົດຝາກຄັ້ງທໍາອິດແມ່ນຈະຄິດໄລ່ດອກເບ້ຍເງິນຝາກປະຢັດໃຫ້.
  • ເງິນຝາກປະຈໍາຂອງທ່ານສາມາດໃຊ້ເປັນຫຼັກຊໍ້າຄໍ້າປະກັນໃນການຂໍກູ້ຢືມເງິນຈາກທະນາຄານໄດ້.

ອັດຕາດອກເບ້ຍ »

  • ຄິດໄລ່ຕາມອັດຕາດອກເບ້ຍໃນໄລຍະທີ່ໄດ້ເປີດບັນຊີ.

ວົງເງິນເລີ່ມຕົ້ນ »

  • ຝາກຂັ້ນຕໍ່າ ແລະ ຍອດຮັກສາໄວ້ໃນບັນຊີຕ່ຳສຸດ (3ເດືອນ, 6ເດືອນ, 12ເດືອນ, 24ເດືອນ, 36 ເດືອນ, 48ເດືອນ ແລະ 60ເດືອນ: ເງິນກີບ 500.000ກີບ, ເງິນບາດ 2.000ບາດ, ເງິນໂດລາ 100ໂດລາ.

ເງື່ອນໄຂການຝາກ ແລະຄ່າທໍານຽມ »

ສາມາດເບິ່ງຄ່າທໍານຽມໄດ້ທີ່ນີ້.

  • ເງິນຝາກປະຈໍາຫາກຖອນເງິນກ່ອນ 3ເດືອນທໍາອິດແມ່ນຈະບໍ່ຈ່າຍດອກເບ້ຍ.
  • ເຈົ້າຂອງບັນຊີຕ້ອງຮັກສາໃບຢັ້ງຢືນການຝາກໄວ້ຢ່າງປອດໄພ. ຖ້າປຶ້ມເສຍຫາຍຕ້ອງແຈ້ງໃຫ້ທະນາຄານຮັບຮູ້ທັນທີ(ແລ້ວຮັບໃບ ແຈ້ງເສຍຫາຍຈາກການປົກຄອງບ້ານມາເພື່ອເຮັດໃບໃໝ່).
  • ຫາກຜູ້ຝາກມີການປ່ຽນຊື່, ນາມສະກຸນແລະທີ່ຢູ່ອາໄສຕ້ອງແຈ້ງໃຫ້ທະນາຄານຮັບຮູ້ທັນທີແລະໃບຝາກປະຈໍານີ້ໃຊ້ສະເພາະຕົວ ຜູ້ຝາກເທົ່ານັ້ນ, ຈະໂອນຫຼືປ່ຽນມືບໍ່ໄດ້.
  • ໃບຝາກປະຈໍາທຸກໆໃບຈະມີເລກກໍາກັບໄວ້ທຸກໜ້າ (ຫ້າມຈີກ) ຫຼືເຮັດເປື້ອນເປິກ. ຫ້າມປັບປຸງແກ້ໄຂຂໍ້ຄວາມປະໂຫຍກ, ຈໍານວນ ເງິນແລະຫ້າມປ່ຽນແປງຊື່ເຈົ້າຂອງບັນຊີໂດຍເດັດຂາດ.
  • ການຝາກ-ຖອນແຕ່ລະຄັ້ງ, ເຈົ້າຂອງບັນຊີຕ້ອງກວດສອບເບິ່ງຈໍານວນເງິນແລະຍອດເຫຼືອບັນຊີຢ່າງຄັກແນ່. ຖ້າມີສິ່ງໃດຜິດພາດ ຕ້ອງແຈ້ງໃຫ້ພະນັກງານທະນາຄານຮັບຮູ້ທັນທີທັນໃດເພື່ອທໍາການແກ້ໄຂໃຫ້ຖືກຕ້ອງ.
  • ໃນກໍລະນີເງິນຝາກຄົບກໍານົດແຕ່ເຈົ້າຂອງບັນຊີບໍ່ສາມາດມາຖອນເງິນໄດ້ດ້ວຍຕົນເອງ, ຕ້ອງມອບສິດໃຫ້ຮູ້ໄວ້ໃຈໄດ້ເປັນລາຍລັກ ອັກສອນຢັ້ງຢືນຈາກເຈົ້າຂອງຫຼືກົມກອງພ້ອມໃບຝາກຄັດແນບມາ, ບັດປະຈໍາຕົວທັງຜູ້ມອບແລະຜູ້ຮັບມາພ້ອມ, ເພື່ອມາຖອນແທນ ຕົນເອງ.
  • ກໍລະນີປິດສັນຍາເງິນຝາກກ່ອນກໍານົດ ປະເພດ 3 ເດືອນ, 6 ເດືອນ, 9 ເດືອນ, 12 ເດືອນ, 18 ເດືອນ, 24 ເດືອນ, 36 ເດືອນ, 48 ເດືອນ ແລະ 60 ເດືອນ:

    1. ກໍລະນີປິດກ່ອນ 3 ເດືອນ:

    • ກໍລະນີ ທະນາຄານຍັງບໍ່ທັນໄດ້ຈ່າຍດອກເບ້ຍໃຫ້ ທະນາຄານຈະຈ່າຍດອກເບ້ຍເງິນຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງຕາມອັດຕາດອກເບ້ຍໃນມື້ປິດບັນຊີທີ່ທະນາຄານ ປະກາດໃຊ້ໃນແຕ່ລະໄລຍະ.
    • ກໍລະນີ ທະນາຄານ ໄດ້ຈ່າຍດອກເບ້ຍໄປກ່ອນ ທະນາຄານຈະເກັບຄືນດອກເບ້ຍທັງໝົດທີ່ຈ່າຍໄປ ພ້ອມທັງເກັບຄ່າທໍານຽມປິດບັນຊີກ່ອນນກໍານົດ 1% ຂອງດອກເບ້ຍທີ່ຈ່າຍໄປ ຕາມສະກຸນເງິນ ( ຕໍ່າສຸດເງິນກີບ 100.000 ກີບ, ເງິນໂດລາ 13 ໂດລາສະຫະລັດ ແລະ ເງິນບາດໄທ 440 ບາດ ) ດ້ວຍການຫັກຈາກຕົົ້ນທຶນ ແຕ່ທະນາຄານຈະຈ່າຍດອກເບ້ຍ ເງິນຝາກປະຢັດໃຫ້ຕາມສະກຸນເງິນທີ່ຝາກໂດຍອີງຕາມອັດຕາດອກເບ້ຍ ໃນມື້ປິດບັນຊີທີ່ທະນາຄານປະກາດໃຊ້ໃນແຕ່ລະໄລຍະ.

    2. ກໍລະນີປິດຫລັງ 3 ເດືອນ:

    2.1 ກໍລະນີ ທະນາຄານຍັງບໍ່ທັນໄດ້ຈ່າຍດອກເບ້ຍໃຫ້ ທະນາຄານຈະຈ່າຍດອກເບ້ຍໃຫ້ໃນຮູບແບບອັດຕາດອກເບ້ຍແບບລາຍເດືອນຂອງເງິນຝາກມີກໍານົດຕາມໄລຍະຝາກຕົວຈິງຂອງ ປະເພດນັ້ນໃຫ້ພຽງຄັ້ງດຽວຕໍ່ສັນຍາຝາກ ແລະ ສ່ວນທີ່ເຫລືອທະນາຄານຈະຈ່າຍດອກເບ້ຍເງິນຝາກປະຢັດໃຫ້ ຕົວຢ່າງ: ສັນຍາຝາກຂອງລູກຄ້າຝາກມີກໍານົດ 5 ປີ ເອົາດອກເບ້ຍ ເມືື່ອຄົບກໍານົດ ແຕ່ລູກຄ້າຝາກໄດ້ 3 ປີ 8 ເດືອນ ແລ້ວມາຖອນກ່ອນກໍານົດ ທະນາຄານຈະຈ່າຍດອກເບ້ຍຮູບແບບ ອັດຕາດອກເບ້ຍລາຍເດືອນຂອງໄລຍະ 3 ປີໃຫ້ ແລະ ອີກ 8 ເດືອນ ທະນາຄານຈະຈ່າຍດອກເບ້ຍຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງໃສ່ອັດຕາດອກເບ້ຍໃນມື້ປິດບັນຊີທີ່ທະນາຄານປະກາດໃຊ້ໃນແຕ່ລະໄລຍະ. ສໍາລັບ ສັນຍາເງິນຝາກມີໄລຍະການຝາກ 3,6,9 ເດືອນ ທະນາຄານຈະຈ່າຍດອກເບ້ຍເມືື່ອຄົບກໍານົດສັນຍາ ສ່ວນທີ່ເຫລືອ ທະນາຄານຈະຈ່າຍດອກເບ້ຍເງິນຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງໃສ່ອັດຕາດອກເບ້ຍໃນມື້ປິດບັນຊີທີ່ທະນາຄານປະກາດໃຊ້ໃນແຕ່ລະໄລຍະ.

    2.2 ກໍລະນີ ທະນາຄານໄດ້ຈ່າຍດອກເບ້ຍເງິນຝາກໃຫ້ເປັນ ລາຍເດືອນ, ໄຕມາດ(3ເດືອນ), ງວດ(6ເດືອນ) ແລະ 1 ປີ ທະນາຄານຈະເກັບຄືນດອກເບ້ຍທັງໝົດທີ່ຈ່າຍໄປ ພ້ອມທັງເກັບຄ່າ ທໍານຽມປິດບັນຊີກ່ອນກໍານົດ 1% ຂອງດອກເບ້ຍທີ່ຈ່າຍໄປ ( ຕໍ່າສຸດເງິນກີບ 100.000 ກີບ, ເງິນໂດລາ 13 ໂດລາສະຫະລັດ ແລະ ເງິນບາດໄທ 440 ບາດ ) ດ້ວຍການຫັກອອກ ຈາກຕົົ້ນທຶນເງິນຝາກ ແຕ່ທະນາຄານຈະຈ່າຍດອກເບ້ຍໃຫ້ດັ່ງນີ້:

    • ໄລຍະເວລາການຝາກ 1 ປີ ລົງມາ ທະນາຄານຈະຈ່າຍດອກເບ້ຍເງິນຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງຕາມອັດຕາດອກເບ້ຍໃນມື້ປິດບັນຊີທີ່ທະນາຄານປະກາດໃຊ້ໃນ ແຕ່ລະໄລຍະ.
    • ໄລຍະເວລາການຝາກ 1 ປີ ຂຶ້ນໄປ ທະນາຄານຈະຈ່າຍດອກເບ້ຍແບບລາຍເດືອນໃຫ້ ຕາມໄລຍະຝາກຕົວຈິງ ຕາມສະກຸນເງິນທີ່ຝາກ ໂດຍອີງຕາມອັດຕາດອກເບ້ຍໃນມື້ປິດບັນຊີທີ່ ທະນາຄານປະກາດໃຊ້ໃນແຕ່ລະໄລຍະ ຕົວຢ່າງ: ສັນຍາຝາກຂອງລູກຄ້າຝາກມີກໍານົດ 3 ປີ ເອົາດອກເບ້ຍເປັນລາຍເດືອນ ແຕ່ລູກຄ້າຝາກໄດ້ 1 ປີ 5 ເດືອນ ແລ້ວມາຖອນກ່ອນກໍານົດ ທະນາຄານຈະເກັບຄືນດອກເບ້ຍທັງໝົດທີ່ຈ່າຍໄປ ພ້ອມທັງເກັບຄ່າທໍານຽມປິດບັນຊີກ່ອນກໍານົດ 1% ແຕ່ ທະນາຄານຈະຈ່າຍດອກເບ້ຍຮູບແບບ ອັດຕາດອກເບ້ຍລາຍເດືອນຂອງໄລຍະຝາກ 1 ປີໃຫ້ ແລະ ອີກ 5 ເດືອນ ທະນາຄານຈະຈ່າຍດອກເບ້ຍຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງໃສ່ອັດຕາດອກເບ້ຍໃນມື້ປິດບັນຊີທີ່ທະນາຄານ ປະກາດໃຊ້ໃນແຕ່ລະໄລຍະ.

    3. ກໍລະນີ ທະນາຄານຈ່າຍດອກເບ້ຍລ່ວງໜ້າ 1 ປີ.

    ທະນາຄານຈະເກັບຄືນດອກເບ້ຍທັງໝົດທີ່ຈ່າຍໄປ ພ້ອມທັງເກັບຄ່າທໍານຽມປິດບັນຊີກ່ອນກໍານົດ 2% ຂອງດອກເບ້ຍທີ່ຈ່າຍໄປ ( ຕໍ່າສຸດເງິນກີບ 100.000 ກີບ, ເງິນໂດລາ 13 ໂດລາ ສະຫະລັດ ແລະ ເງິນບາດໄທ 440 ບາດ ) ດ້ວຍການຫັກອອກຈາກຕົົ້ນທຶນເງິນຝາກ ແຕ່ທະນາຄານຈະຈ່າຍດອກເບ້ຍໃຫ້ດັ່ງນີ້:

    • ໄລຍະເວລາການຝາກ 1 ປີ ລົງມາ ທະນາຄານຈ່າຍດອກເບ້ຍເງິນຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງຕາມອັດຕາດອກເບ້ຍໃນມື້ປິດບັນຊີທີ່ທະນາຄານປະກາດໃຊ້ໃນແຕ່ລະໄລຍະ.
    • ໄລຍະເວລາການຝາກ 1 ປີ ຂຶ້ນໄປ ທະນາຄານຈະຈ່າຍດອກເບ້ຍແບບລາຍເດືອນໃຫ້ ຕາມໄລຍະຝາກຕົວຈິງ ຕາມສະກຸນເງິນທີ່ຝາກ ໂດຍອີງຕາມອັດຕາດອກເບ້ຍໃນມື້ປິດບັນຊີທີ່ ທະນາຄານປະກາດໃຊ້ໃນແຕ່ລະໄລຍະ ຕົວຢ່າງ: ສັນຍາຝາກຂອງລູກຄ້າຝາກມີກໍານົດ 5 ປີ ເອົາດອກເບ້ຍເປັນລ່ວງໜ້າ 1 ປີ ແຕ່ລູກຄ້າຝາກໄດ້ 1 ປີ 10 ເດືອນ ແລ້ວມາຖອນກ່ອນ ກໍານົດ ທະນາຄານຈະເກັບຄືນດອກເບ້ຍທັງໝົດທີ່ຈ່າຍໄປ ພ້ອມທັງເກັບຄ່າທໍານຽມປິດບັນຊີກ່ອນກໍານົດ 2% ແຕ່ ທະນາຄານຈະຈ່າຍດອກເບ້ຍຮູບແບບ ອັດຕາດອກເບ້ຍລາຍ ເດືອນຂອງໄລຍະຝາກ 1 ປີໃຫ້ ແລະ ອີກ 10 ເດືອນ ທະນາຄານຈະຈ່າຍດອກເບ້ຍຝາກປະຢັດໃຫ້ ຕາມສະກຸນເງິນທີ່ຝາກ ໂດຍອີງໃສ່ອັດຕາດອກເບ້ຍໃນມື້ປິດບັນຊີທີ່ທະນາຄານ ປະກາດໃຊ້ໃນແຕ່ລະໄລຍະ
  • ເງື່ອນໄຂນອກເນື່ອງຈາກນີ້ສາມາດສອບຖາມໄດ້ທີ່ຈຸດບໍລິການເພີ່ມຕື່ມ

ເອກະສານໃນການເປີດບັນຊີ »

  • ບັດປະຈໍາຕົວຫຼືສໍາມະໂນຄົວ.
  • ປະກອບແບບຟອມຂອງທພລພ້ອມວາງລາຍເຊັນແລະວາງເງື່ອນໄຂໃນການສັ່ງຈ່າຍ.

ເອກະສານ​ໃນການຖອນເງິນ »

  • ບັດປະຈໍາຕົວຫຼືສໍາມະໂນຄົວ (ທີ່ວາງເງື່ອນໄຂເບື້ອງຕົ້ນນໍາ ທພລ).
  • ໃບຖອນເງິນສົດ (ພ້ອມວາງລາຍເຊັນ).
  • ກໍລະນີເຈົ້າຂອງບັນຊີມາເອງບໍ່ໄດ້ຕ້ອງມີໃບມອບສິດເຊັນຢັ້ງຢຶນຈາກບ້ານຫຼືກົມກອງ (ບັດປະຈໍາຕົວທັງຜູ້ມອບ ແລະ ຜູ້ຮັບ).

ຂັ້ນຕອນໃນການຝາກປະຈໍາ »

  • ລູກຄ້າປະກອບແບບຟອມຕາມທີ່ທາງທະນາຄານໄດ້ກໍານົດໄວ້.
  • ພະນັກງານຈະທໍາການສ້າງໄອດີ ID ໃຫ້ກັບທ່ານ.
  • ພະນັກງານຈະທໍາການອອກເລກບັນຊີໃຫ້ກັບທ່ານຕາມລໍາດັບ.
  • ລູກຄ້າສ້າງໃບມອບເງິນສົດແລະນໍາໄປມອບໃຫ້ຄັງເງິນສົດ.
  • ເມື່ອຜ່ານການອະນຸມັດແລ້ວຈະພິມໃບຢັ້ງຢືນການຝາກແລະໃບຄິດໄລ່ດອກເບ້ຍໃຫ້ແກ່ລູກຄ້າ.

ພຸດສາລາ

Nguồn:

ຫົວຂໍ້ພົວພັນ
0 ຄວາມເຫັນ
ຊື່ ແລະ ນາມສະກູນ

ອີເມວ
ຄວາມເຫັນ

ຂ່າວເດັ່ນ

ຂໍ້ມູນຕະຫຼາດຫຼັກຊັບ

Cập nhật ảnh...
Nguồn : stockbiz.vn
Ngân hàng
KKH
1 tuần
2 tuần
3 tuần
1 tháng
2 tháng
3 tháng
6 tháng
9 tháng
12 tháng
24 tháng
Vietcombank
0,10
0,20
0,20
-
3,00
3,00
3,30
3,90
3,90
5,60
5,40
BIDV
0,10
-
-
-
3,10
3,10
3,40
4,00
4,00
5,60
5,60
VietinBank
0,10
0,20
0,20
0,20
3,10
3,10
3,40
4,00
4,00
5,60
5,60
Eximbank
0,10
0,20
0,20
0,20
3,50
3,50
3,50
5,60
5,80
7,20
8,40
ACB
-
0,20
0,20
0,20
3,00
3,10
3,30
4,40
5,00
6,20
6,20
Sacombank
-
-
-
-
3,30
3,40
3,50
5,00
5,10
5,70
6,00
Techcombank
0,03
-
-
-
2,65
2,75
2,85
4,20
4,20
4,40
4,90
LienVietPostBank
0,10
0,10
0,10
0,10
3,70
3,70
3,80
4,60
4,80
6,20
6,20
DongA Bank
-
0,20
0,20
0,20
3,60
3,60
3,60
5,50
5,70
6,00
6,30
Agribank
0,10
-
-
-
3,60
3,60
3,60
5,50
5,70
6,00
6,30
ອັດຕາແລກປ່ຽນ ເບິ່ງລາຍລະອຽດ
Ngân Hàng USD EUR GBP JPY
Mua vào Bán ra Mua vào Bán ra Mua vào Bán ra Mua vào Bán ra
Vietcombank 22.930 23.140 27.591 28.506 30.510 31.785 215,75 226,99
BIDV 22.955 23.155 27.760 28.872 30.667 31.563 217,28 226,03
VietinBank 22.948 23.158 27.852 28.957 30.988 31.998 217,30 226,30
Agribank 22.980 23.160 27.785 28.479 30.918 31.669 219,50 225,66
Eximbank 22.950 23.130 27.939 28.461 30.994 31.573 220,96 225,08
ACB 22.960 23.140 27.958 28.460 31.172 31.604 220,83 225,02
Sacombank 22.949 23.161 28.038 28.593 31.150 31.655 220,76 227,12
Techcombank 22.940 23.140 27.717 28.940 30.710 31.855 219,56 228,84
LienVietPostBank 22.950 23.130 27.067 27.571 30.322 31.186 214,74 218,67
DongA Bank 22.970 23.130 27.930 28.430 31.030 31.580 217,40 224,40
(Cập nhật trong ngày)

ລາຄາຄໍາ ເບິ່ງລາຍລະອຽດ

Khu vực
Mua vào
Bán ra
HÀ NỘI
Vàng SJC 1L
54.900
55.320
TP.HỒ CHÍ MINH
Vàng SJC 1L
54.900
55.300
Vàng SJC 5c
54.900
55.320
Vàng nhẫn 9999
50.850
51.450
Vàng nữ trang 9999
50.450
51.150